သားအိမ်တွင်းပစ္စည်း လဲဖို့လိုပြီလား

ဆရာ

နောက်ထပ်သိချင်တာလေးတွေလဲ ထပ်ပြီးမေးခွင့်ပြုပါနော်။ နန်းက ပဋိသန္ဓေ တားဖို့အတွက် IUDC သားအိမ်အတွင်း ပစ္စည်းထည့်ထားပါတယ်။ သမီးမွေးပြီး လေးဆယ့်ငါးရက်မှာထည့်တာ ခုဆို သမီးအသက် သုံးနှစ်ပြည့်တော့မှာပါ။ သုံးနှစ်ပြည့်ရင် အသစ်လဲရမယ်လို့ပြောထားတော့ လဲရတော့မှာပေါ့ဆရာ။ နန်းသိချင်တာက ရာသီလာတဲ့ နောက်ဆုံးရက်တွေဆိုရင် သွေးလို နီမနေပဲ အစိမ်းပုပ်ပုပ် မည်းမည်းတွေဆင်းတယ်ဆရာ။ Pad မှာဆိုလဲ နီမနေပဲ အစိမ်းပုပ်ပုပ် မည်းမည်းတွေပဲရှိနေတယ်ဆရာ။ Pad ကို တစ်နေ့ သုံးခု လဲပါတယ်ဆရာ။ ပုပ်စော်လဲ တအားနံတယ်။ ခါးတွေလဲ တအားကိုက်တယ်ဆရာရယ်။ အပေါ့သွားတဲ့အချိန်တွေဆို အိမ်သာကြွေခွက်ထဲမှာ မည်းမည်းအမှုန်တွေ တွေ့နေရတယ်။ ဘိုထိုင်အိမ်သာဆိုတော့
ပိုလို့တွေ့ရတာပေါ့ဆရာ။ လက်နဲ့နှိုက်ပြီး သားအိမ်ခေါင်းနားမှာ စမ်းကြည့်လိုက်ရင်လဲ မည်းမည်းတွေပါလာတယ်ဆရာ။ သတိထားမိသလောက် အဲ့လိုတွေဆင်းတာ လေးငါးလ လောက်တော့ရှိပါပြီ။ အဲ့ဒါ ထည့်ထားတဲ့ ပစ္စည်းကြောင့်လားဆရာ။ နန်းကို ထိခိုက်နိုင်သလား။ အိမ်ထောင်ကျခါစက သုံးလထိုးဆေး ထိုးပါတယ်။ သုံးလစလုံး သွေးတစက်စက် ဆင်းနေပြီး လူက မဲ ပိန်ခြောက် မြောက်ခေါင်းရုပ်ပေါက်နေတာနဲ့ သုံးခါထိုးပြီးချိန်မှာ ရပ်လိုက်တယ်ဆရာ။ ဆေးရပ်ပြီး တစ်နှစ်လောက်နေမှ သားကြီး ကိုယ်ဝန်ရပါတယ်။ သားကြီးမွေးပြီးတော့ ဆေးကပ်ပြောင်းစားပါတယ်ဆရာ။ ခေါင်းတွေမူးမူးပြီး အန်တာ အရပ်အခေါ် ဝမ်းကြီးနာစွဲနေသလိုပဲဆရာ။ ကိုယ်ဝန်ရှိစ ပျို့အန်သလိုပေါ့။ အဆင်မပြေနဲ့ အနံ့မျိုးရရင် ရုပ်ပျက်ဆင်းပျက်ကို အန်ပါတယ်ဆရာ။ အဲ့ဒါနဲ့ ဆေးထိုးလိုက် ဆေးစားလိုက်နဲ့ပဲ မျက်စိလည်ပြီး သမီးကိုယ်ဝန်ရပါတယ်။ သမီးမွေးပြီးတော့ ဆရာဝန်ကို ပြောပြပြီး လက်မောင်းမှာထည့်တာနဲ့ သားအိမ်ထဲမှာ ထည့်တာ နှစ်မျိုးထဲက တစ်မျိုးသုံးနိုင်ပါတယ်။ လက်မောင်းမှာထည့်တာကတော့ ဟော်မုန်းနည်းနည်းပါတယ်ဆိုတော့ ပျို့တာ အန်တာ ခေါင်းမူးတာ မျိုးတော့ဖြစ်နိုင်ပါတယ်တဲ့။ အဲ့ဒါနဲ့ သားအိမ်ထဲမှာပစ္စည်းထည့်တဲ့ နည်းလမ်းကို ရွေးလိုက်ပါတယ်။ နေရထိုင်ရတာ အဆင်ပြေပါတယ်။ ဘယ်လိုမှလဲ မခံစားရပါဘူး။ လူလဲ စိုစိုပြည်ပြည်ဖြစ်လာတယ်။ ရာသီလဲ မှန်လာတယ်။ ရာသီလာချိန် နည်းနည်း ကိုက်ခဲတာက လွဲလို့ပေါ့။ ကိုက်ခဲတတ်တာလဲ အပျိုကတည်းက ကိုက်ခဲတာပါ။ ခု လေးငါးလလောက်ကျမှ အဲ့လိုဖြစ်လာတာဆိုတော့ အသစ်လဲရတော့မှာမို့ အဲ့လိုဖြစ်တာလား။ အတွင်းထဲမှာ ထိခိုက်လို့ အဲ့လိုအမည်းမပုပ်တွေဆင်းထာလား။ နောက်ထပ် တစ်ခုထပ်ထည့်ရင်ရော အဆင်ပြေပါ့မလားဆိုတာ သိချင်ပါတယ်ဆရာ။ ကျေးဇူးတင်ပါတယ်ဆရာ။ ဆရာ ကျန်းမာပါစေ။ အများအကျိုးပြု လုပ်ငန်းတွေ စာတွေ များများရေးနိုင်ပါစေ။

မေတ္တာဖြင့်...

နန်း

ဆောရီးဗျာ၊မျက်စိပါဝါတက်လာတဲ့အတွက် နားနေရတယ်။ မျက်စိကျန်းမာရေးအရ မေးထားတဲ့မေးခွန်းတော်တော်များများ မဖြေနိုင်ခဲ့ဘူး။ ဒါ့ကြောင့် မေးတဲ့သူတွေကို တောင်းပန်ရတယ်။ အဲဒီအတွက် ခွင့်လွတ်ပါအရင်ဆုံး ပန်ကြားပါရစေ။

မေးထားတဲ့ လက္ခဏာက အမျိုးမျိုဖြစ်နိုင်တယ်။ သေချာတာတော့ သားအိမ်ပစ္စည်းကို အသစ်လဲသင့်ပြီ။ ဖြစ်နိုင်တာက ပိုးဝင်တာပဲ။ သားအိမ်ကို ပြန်စစ်ရမယ်။ နောက်တခုထပ်ထည့်သင့်လား စမ်းသပ်ပြီးမှ သိနိုင်တယ်။ သားအိမ်ကို ထိထားရင် ထပ်မထည့်ရဘူး။ လိုအပ်ရင် တခြားတားနည်းပြောင်းသုံးရမယ်။ တချို့က သားအိမ်ပစ္စည်းပြုတ်ထွက်တာ၊သားအိမ်ကို ဖောက်တာရှိတယ်။ foreign ပစ္စည်းတခုဖြစ်လို့ တုံပြန်တာရှိမယ်။ အင်္ဂါစပ်က နံတာဖြစ်လို့ မွေးလမ်း ပိုးဝင်တာတော့ ဖြစ်လိမ့်မယ်။ ပိုးသတ်ဆေးသောက်ရမယ်။နောက်တချက်ခါးကိုက်တာကတော့ ကျောက်ကပ်နဲ့ဆိုငိတာလည်း ဖြစ်နိုင်တယ်။ တချို့က အလုပ်အကိုင်ကြောင့်ဖြစ်တယ်။ ဒါတော့ စစ်ကြည့်မှသိမယ်။ အခြေအနေက ဆရာဝန်နဲ့ပြဖို့လိုလာပြီ။ OGမှာ သွားပြပါ။ သွေးစစ်၊ဆီးစစ်၊ဓာတ်မှန်ရိုက်ရမယ်။ ရောဂါအနေအထားက စမ်းသပ်သူသာ သေချာပြောနိုင်ပါလိမ့်မယ် ထင်ပါတယ်။ 

ဒေါက်တာ အေးမင်းထူး

၃၁.၁.၁၅