ကြီးမှပေါင်းတဲ့ ရောဂါ

မြန်မာ့ လမ်းပြကြယ် (friends with အချစ် ဟတ်ကာ) commented on your status.

မြန်မာ့ wrote: "ဆရာ...ကျီးပေါင်းရောဂါကို အင်္ဂလိပ်လို ဘယ်လိုခေါ်ပါသလဲ"

ကျီးပေါင်းကို ဆေးပညာလို spondylosisလို့ခေါ်ပါတယ်။ဂုတ်ကျီးပေါင်းကို cervical spondylosis၊ခါးကျီးပေါင်းကို lumbar spondylosisခေါ်ပါတယ်။ထပ်ရှင်းရရင် spondylဆိုတာ spinal column ကျောရိုးဆစ်၊osisဆိုတာ ကြာလာတာအမျှ
ယိုယွင်းပျက်ဆီးတဲ့သဘောကို ဆောင်တယ်။ဒါ့ကြောင့် ကျီးပေါင်းဆိုတာ အချိန် ကြာတာနဲ့အမျှ ကျောရိုးဆစ်တွေ ရောင်ရမ်း၊ပျက်ဆီးတဲ့သဘောဖြစ်ပါတယ်။ မြန်မာလိုအဓိပ္ပါယ်ဖွင့်ရရင် ကျီးပေါင်း ဖြစ်မယ့်အဆစ်က တဖြည်းဖြည်းရောင်လာ၊ကျဉ်းလာပြီး ပေါင်းစည်းတတ်ကြတယ်။ အသက်ကြီးတဲ့အခါ ကျောရိုးဆစ်တွေပါးပြီး ပေါင်းလာလို့ "ကြီးပေါင်း"ခေါ်ရကနေ "ကျီးပေါင်း"ဖြစ်လာတယ်။ ဆရာဝန်အပါအဝင် ကျွန်တော်တို့လူမျိုး တော်တော်များများက ကျောရိုးဆစ်မှာ ပြဿနာတခုခုရှိရင် ကျီးပေါင်းကိုပဲ လှည့်ချချင်တယ်။ အမှန်က ကျောရိုးဆစ်မှာ ပြဿနာဖြစ်တိုင်း ကျီးပေါင်းဆိုတာမျိုးက မှားပါတယ်။အသက်ငယ်သူတွေမှာ ကျီးပေါင်းမဖြစ်နိုင်ဘူး။ တခါတရံ ဘာဓာတ်မှန်မှမရိုက်ပဲ ကျီးပေါင်းတက်နေတယ် လုပ်တာမျိုးကို ကျွန်တော်လည်း မဝေဖန်ချင်ဘူး။ တကယ်သေချာချင်ရင်  X-ray ဓာတ်မှန်ရိုက်ကြည့်မှပဲ အဖြေပေါ်တယ်။