ဖူးရောင်ဒဏ်ရာ

ဆရာ

တနေ့ကကျနော်ချော်လဲပြီး မျက်လုံးတဝိုက် ဖုယောင်လာပါတယ်

အိမ်ကလူတွေကျပ်ပူတိုက်ခိုင်းပါတယ်.. နောက်ရက် မသက်သာတာနဲ့ဆေးခန်းပြတော့ ဆရာဝန်မက ရေခဲဝတ်အုံခိုင်းပါတယ်.ပြီးတော့ 

ဆေး၂လုံးထိုပြီး၈၀၀၀တောင်းပါတယ် အခုချိန်ထိလဲဖုယောင်တာမသက်သာသေးပါဘူး

အဲဒါဘယိလိုိလုပ်သင့်ပါလဲ သူပေးတဲ့ဆေးတွေဆက်သောက်ရမှာလား

ကျပ်ပူတိုက်ရမှာလား မျက်လုံးတဝိုက်ကဖုယောင်လို့အကြည့်ရဆိုးနေပါတယ်

ကျနော်ဘာလုပ်ရမလဲ အကြောင်းပြန်ပေးပါခင်ဗျာ။

အရင်ဆုံးသိချင်တာက ချော်လဲတာဟုတ်ပါသလား။ မျက်လုံးတဝိုက်ဖူးရောင်လာရင် အရင်ဆုံးစဉ်းစားမိတာက ရန်ဖြစ်တာလားဆိုတဲ့အချက်ပါ။ တဖက်တည်းမှာဖြစ်ရင် ရန်ဖြစ်တာ၊ထိုးကျိတ်တာကို စဉ်းစားပါတယ်။ မျက်စိရဲနေ၊မျက်ကွင်း ညိုနေတတ်တယ်။ ဆေးခန်းလာရင် အများစုက အမှန်မပြောဘူး။ အစ်အောက်မေးကြည့်မှ အဖြေမှန်ပေါ်လာတယ်။ ဆရာဝန်နဲ့တွေ့တဲ့အခါ အမှန်ပြောမှ ကုရအဆင်ပြေပါတယ်။ နောက်ဆက်ကို ခိုက်မိရင်လည်း မျက်လုံးတဝိုက်ညိုမည်းလာတယ်။ အရေးကြီးတဲ့အချက်က ပျို့ချင်အန်ချင်ရှိလား ဆိုတာ။ ခေါင်းခိုက်မိတာ၊ဥိးနှောက်မှာ သွေးယို၊သွေးခဲပိတ်ပြီး ဦးနှောက်တွင်း ဖိအားများရင် ဖြစ်တတ်တယ်။ ဓာတ်မှန်ရိုက်ဖို့၊ဆေးရုံတက်ဖို့လိုတတ်တယ်။ အကယ်၍ပျို့အန်ချင်၊မျက်လုံးဝေဝါးတာ၊ခေါင်းမူးခေါင်းကိုက် မရှိရင် သိပ်ဆိုးရိမ်ဖို့ မလိုအပ်ဘူး။ 

ထိခိုက်ဒဏ်ရာရတဲ့အခါ ကျပ်ပူတိုက်တာ မှားတယ်တော့ မဟုတ်ဘူး။ နာကျင်တာကို ယာယီသက်သာစေတယ်။အမှန်က ထိခိုက်ဒဏ်ရာရပြီး ၂ရက်အတွင်း ရေခဲဝတ်အုံရတယ်။ ဖူးရောင်တဲ့အခါ ရေခဲဝတ်က ပိုအသုံးဝင်တယ်။ သွေးကြောပေါက်တဲ့၊သွေးယိုတဲ့အခါလည်း ရေခဲဝတ်ကို တင်သင့်တယ်။အရိုးကျိုးတာ၊ထိခိုက်ဒဏ်ရာရတဲ့အခါ ရေခဲဝတ်သုံးတယ်။ နာကျင်တာ၊ရောင်ရမ်းတာကို သက်သာစေမယ်။ သုံးတဲ့အခါ ရေခဲဝတ်၊ရေအေးဝတ် အဆင်ပြေသလို သုံးပါ။ ရေခဲဝတ်တင်ရင် ၅မိနစ်တခါ လဲပေးနေရမယ်။ ရေအေးဝတ်ဆိုရင် သုံးမိနစ်တခါ လဲပေးရတယ်။ ဘာ့ကြောင့်လဲဆိုတော့ အာနိသင်သိပ်မကြာလို့ဖြစ်ပါတယ်။ တကြိမ်တင်ရင် ၁၅မိနစ်လောက်ကြာအောင် တင်ရတယ်။ တနေ့သုံးကြိမ် တင်သင့်တယ်။ ဗိုက်နဲ့ရင်ဘတ်၊ကျောပြင်နေရာတွေမှာ ရေအေးဝတ်မသုံးရဘူး။ ရေနွေးဝတ်၊ရေနွေးအိတ်ကို ဒဏ်ရာရပြီး ၂ရက်ကျော်မှ တင်သင့်တယ်။ ကြွက်သားဒဏ်ရာ၊ကြွက်တက်တဲ့အခါ ရေနွေးကို သုံးတယ်။ အုံးလွဲတာ၊ဂုတ်ကျောတင်းတာ၊ဗိုက်နာတဲ့အခါ ရေနွေးကို သုံးပါ။ အကြောတွေ ပြေလျှော့စေတယ်။ အင်္ဂလိပ်လို အလွယ်မှတ်နိုင်တာရှိတယ်။ဗဟုသုတပေါ့။"ice for injury"နဲ့ "heat for muscle"တဲ့။ "ရေခဲဒဏ်ရာ၊အပူကြွက်သား"တဲ့။ 

ဆရာဝန်ပေးတဲ့ဆေး မေးတဲ့ထဲမှာ မပါဝင်လို့ ပြောရခက်တယ်။ ပေးထားတာ ဆက်သောက်နိင်ပါတယ်။ ထိခိုက်ဒဏ်ရာသဘောက ချက်ချင်း မပျောက်နိုင်ဘူး။ ၁ပတ်-၂ပတ် စောင့်ရတယ်။ အပင်ကြီးဖို့ ဓာတ်မြေသြဇာလောင်းရုံနဲ့ ချက်ချင်းတက်မလာဘူး။ အချိန်လိုတယ်။ ပြုပြင်ဖို့ အချိန်အနည်းငယ်စောင့်ရတယ်။ ခန္ဓာကိုယ်ဆဲလ်တွေက ပြုပြင်ဖို့ အချိန်ပြည့်လုပ်ဆောင်နေတယ်။ အများစုက မသိကြဘူး။ ဆေးမလိုဘဲ ပြုပြင်တာက ခန္ဓာကိုယ်က ဆဲလ်တွေ ဖြစ်ပါတယ်။ ဆေးမလို အချိန်ပဲလိုတယ်။ သိပ်ဆိုးဆိုးဝါးဝါးမဟုတ်ရင် စောင့်ကြည့်ပါဦး။ သက်သာမှာပါ။ 

"အချိန်နှင့်ဒီရေသည် လူကိုမစောင့်ပါ၊" 

သို့သော် ထိခိုက်ဒဏ်ရာအတွက် လူက အချိန်ကို စောင့်ဆိုင်းပေးဖို့ လိုအပ်ပါတယ်။

ဒေါက်တာ အေးမင်းထူး

၃၀.၃.၁၄

(မှတ်ချက်-သတင်းစာတစ်စောင်မှာ အပူအအေးဘယ်လိုရွေးမလဲဆိုတဲ့ ဆောင်းပါးတပုဒ်ရေးဖူးပါတယ်။ http://drayeminhtoo.blogspot.com/2013/11/blog-post.html မှာ ဝင်ဖတ်ပါ)