သွေးကြောထုံးရင် ဘယ်လိုပြုပြင်

သွေးကြောထုံးခြင်းကို varicose veinလို့ ခေါ်ပါတယ်။ သွေးပြန်ကြော ရှိတဲ့ နေရာမရွေး ဖြစ်နိုင်တယ်။ ခြေထောက် ၊ခြေသလုံးစတဲ့နေရာတွေမှာ ပိုအဖြစ်များတယ်။ သွေးကြောထုံးတဲ့နေရာက ဖုဖောင်းပြီး အကြည့်ရဆိုးတဲ့ သွေးကြောပြင် စိမ်းစိမ်းတွေ ရှိနေတတ်တယ်။ အထူးသဖြင့် အမျိုးသမီးတွေမှာ   စိတ်ဒုက္ခရောက်ရတယ် ။ သွေးကြောထုံးသူကို လေ့လာကြည့်ရင် အဖြစ်မနည်းလှဘူး။ လူတရာမှာ သုံးယောက်ဟာ သွေးပြန်ကြော ထုံးကြတယ်။ အသက်ငါးဆယ်ကျော်အရွယ်စပြီး သွေးကြောတွေ ထုံးလာနိုင်တယ်။ ဒီထဲမှာ အမျိုးသမီးတွေက ပိုအဖြစ်များတယ်။ ငယ်စဉ်ကတည်းက သွေးကြောထုံးသူတွေလည်း ရှိတယ်။ အစားအသောက်၊အနေအထိုင်ကြောင့် ဖြစ်နိုင်တယ်။
မျိုးရိုးနဲ့လည်း သက်ဆိုင်တယ်။ သွေးကြောထုံးသူအများစုဟာ အကြောင်းရင်းခံမယ်မယ်ရရ မတွေ့ရဘူး။ ဒါပေမယ့် ဖြစ်နိုင်ချေများသူတွေအဖြစ် သတ်မှတ်ထားတဲ့အချက်တွေ ရှိပါတယ်။ ခြေသလုံးတုတ်သူ၊အဆီများသူ၊အဝလွန်သူတွေ ဖြစ်နိုင်ချေပိုများတယ်။ တားဆေးကဒ်တွေကြောင့်လည်း ဖြစ်နိုင်တယ်။ ကိုယ်ဝန်ဆောင်မိခင်တွေမှာလည်း တွေ့ရတယ်။  ကလေးများရင်များသလောက် ပိုဖြစ်နိုင်တယ်။ ကလေးမွေးပြီး ပြန်ပျောက်သူတွေလည်း ရှိတယ်။ ရောဂါက အလုပ်အကိုင်နဲ့လည်း သက်ဆိုင်နေတယ်။ အချိန်ကြာအလုပ်လုပ်နေရသူ၊အထိုင်များသူ၊အထများသူ မည်သူမဆိုဖြစ်နိုင်တယ်။ ရောဂါအခံတခုခုရှိလို့ ဖြစ်နိုင်တယ်။အလုံးအကျိတ်တွေရဲ့ ဖိအားကြောင့်လည်း ဖြစ်တယ်။ ဗိုက်၊တင်ပါး၊ပေါင် ခွဲစိတ်တဲ့အခါ သွေးပြန်ကြောထိနိုင်တယ်။ သွေးကြောတည်ဆောက်ပုံ မူမမှန်တာ၊သွေးကြောထိခိုက်မိတာနဲ့လည်း ဆိုင်တယ်။ 

သွေးကြောထုံးခြင်း သီအိုရီအရ အပေါ်မှာရှိတဲ့ သွေးဖိအားက အောက်မှာ ရှိတဲ့ သွေးပြန်ကြောတွေအပေါ်သက်ရောက်လို့ ဖြစ်တယ်။ ဖိအားများလာတဲ့အခါ အောက်မှာရှိတဲ့ ခံရသူသွေးပြန်ကြောအဖို့ မသက်သာလှဘူး။ သွေးပြန်ကြောတွေရဲ့ anatomyကို လေ့လာကြည့်ရင် အမျိုးအစားသုံးမျိုး ရှိတယ်။ အပေါ်ဆုံး အရေပြားနဲ့နီးတဲ့ သွေးပြန်ကြောကို superficial veinလို့ ခေါ်ပါတယ်။သွေးထုထည်ရဲ့ ၁၀ရာခိုင်နှုန်းကို သယ်ဆောင်ပေးပြီး နှလုံးကို ပြန်လည်ပို့ဆောင်ပေးတယ်။ သွေးပြန်ကြောထုံးတာက အဲဒီသွေးကြောမှာ ပြဿနာရှိလို့ဖြစ်ပါတယ်။ အောက်ဖက်မှာ ကြွက်သားတွေကြားဖြတ်သန်းသွားတဲ့ သွေးပြန်ကြောတခုရှိသေးတယ်။ deep vein လို့ ခေါ်ပါတယ်။ သွေးထုထည်ရဲ့ ၉၀ရာခိုင်နှုန်းကို သယ်ဆောင်ပြီး နှလုံးရောက်အောင် ပို့ဆောင်ပေးတယ်။ အပေါ်နဲ့ အောက်က သွေးပြန်ကြောကြီးနှစ်ခုကို ဆက်စပ်ပေးတဲ့ veinအသေးလေးတွေလည်း ရှိသေးတယ်။ အချင်းချင်းဆက်စပ်ပေးလို့ communicating veinလို့ ခေါ်ပါတယ်။ အပေါ်မှာ ရှိတဲ့ superficial veinက သွေးတွေ deep veinထဲ ဝင်ရောက်အောင် communicating veinက ပေါင်းကူးဆက်စပ်သွယ်ပေးတယ်။  သွေးပြန်ကြောတွေမှာ တလမ်းသွားဖြစ်အောင် စီမံထားတဲ့ အဆို့ရှင်တွေ ရှိကြတယ်။ နှလုံးကို ဦးတည်သွားတဲ့ သွေးကို အောက်ပြန်ကျမလာအောင် ဒီအဆို့ရှင် valveတွေက ထိန်းသိမ်းပေးတယ်။ သွေးပြန်ကြောမှာရှိတဲ့ သွေးတွေ အပေါ်တက်ဖို့ ဘေးမှာရှိတဲ့ ကြွက်သားတွေက ညှစ်ပေးတယ်။ ပြီးရင် အထက်တက်တဲ့ သွေးတွေ အောက်ပြန်ကျမလာအောင် အဆို့ရှင်တွေက တားဆီးပေးတယ်။ သွေးပြန်ကြောအလုပ်လုပ်ပုံ နားလည်ရင် သွေးပြန်ကြောဘာ့ကြောင့် ထုံးရသလဲ လေ့လာဖို့ ပိုမိုလွယ်ကူသွားတယ်။ မတ်တပ်ရပ်တဲ့အခါ  gravity သဘောအရ  သွေးတွေဟာ အောက်ဖက်(ခြေထောက်)မှာ စုပုံလာတယ်။ ကြာလာတဲ့အခါ သွေးတွေအိုင်လာ၊ဖိအားများလာပြီး သွေးကြောနံရံတွေ ဖောင်းလာတယ်။ ဖောင်းလာတဲ့သွေးကြောနံရံတွေကြောင့် အဆို့ရှင်တွေ မလုံတော့ဘဲ သွေးတွေ အောက်ပြန်စီးဆင်းလာနိုင်တယ်။ ဒီလိုနဲ့ အောက်ဖက်ပိုရောက်လေ၊သွေးဖိအားများလေဖြစ်ပြီး သွေးကြောတွေ ပိုမိုဖုဖောင်းလာတယ်။ ဒီအခြေအနေမှာ varicose vein(သွေးကြောထုံးခြင်း) ဖြစ်လာပါတယ်။ သွေးပြန်ကြောထုံးခြင်းဟာ အချိန်ကြာလာတာနဲ့အမျှ ပိုဆိုးလာတယ်။ တခါတရံ deep vein thrombosis(သွေးခဲပိတ်ဆို့ခြင်း)ကြောင့် သွေးကြောထုံးနိုင်တယ်။အောက်မှာ ရှိတဲ့ deep vein နေရာမှာ ပိတ်တာ၊ကျဉ်းတာဖြစ်တဲ့အခါ အပေါ်မှာရှိတဲ့ superficial veinကို ဖိအားသက်ရောက်ပြီး သွေးကြောတွေ ဖောင်းလာ၊ရောင်လာတတ်တယ်။ ဒီအခြေအနေက်ို secondary varicose veinလို့ ခေါ်ပါတယ်။ spider veinဆိုတာလည်း သွေးပြန်ကြောရောင်တာပါပဲ။ သွေးကြောမျှင်တွေ အပြင်ဖက်ကို ဖြာထွက်နေတာမျိုးပါ။

သာမန်အခြေအနေမှာ သွေးကြောထုံးခြင်းဟာ ပြဿနာတရပ်မဟုတ်သေးဘူး။ အကြည့်ရဆိုးရုံလောက်ပဲရှိတယ်။ အများစုဟာ ကုသဖို့ မလိုအပ်ဘူး။ အကယ်၍ လူမြင်မတော်တဲ့ နေရာ(ခြေသလုံး၊ဒူးကောက်ကွေး)တွေမှာ ဖြစ်ရင် လူနာဆန္ဒအလျှောက် ကုသနိုင်တယ်။ သွေးကြောထုံးတာ နှစ်ချီလာတာနဲ့အမျှ ပိုဆိုးလာတယ်။ ခြေသလုံးမှာ စတင်ကိုက်ခဲလာတယ်။ ထုံကျဉ်လာတယ်။ ခြေထောက်တွေ လေးလံလာတယ်။ တင်းလာတယ်။ညနေခင်းပိုင်းမှာ ပိုဆိုးတယ်။ ရောင်လာတယ်။ ရုတ်တရက်ထမိရင် ကြွက်တက်လာတယ်။မတ်တပ်ရပ်ရင် ပိုနာတယ်။ အရေပြား ယားလာတယ်။ အဖုအဖောင်းတွေ ပိုထွက်လာတယ်။  နေရာအနှံ့ဖြစ်လာတယ်။သွေးကြောနေရာ စိမ်းတာ၊ပြာတာ၊မဲတာ အရောင်အမျိုးမျိုး ဖြစ်လာနိုင်တယ်။ ကြာတာနဲ့အမျှ နောက်ဆက်တွဲဝင်လာတယ်။ အရေပြားအရောင် ရင့်လာတယ်။ အရေပြားရောဂါဝင်လာပြီး ခြေထောက်အနာ ဖြစ်လာတယ်။  ခြေထောက်၊ခြေချင်းဝတ်စတဲ့နေရာမှာ အနာတွေဖြစ်လာရင် venous leg ulcerလို့ ခေါ်ပါတယ်။ ကြာလာရင် သွေးတွေစုပုံလာတာကြောင့် သွေးခဲပြီး သွေးကြောပါပိတ်နိုင်လာတယ်။ ခြေထောက်အတွက်သာမက နှလုံး၊အဆုတ်၊ဦးနှောက်ကိုပါ ဒုက္ခပေးနိုင်တယ်။ ဒီအချိန်မှာ စတင်ကုသဖို့ လိုအပ်လာတယ်။

Varicose veinကို ကုသနိုင်ဖို့ နည်းအမျိုးမျိုး ရိ်ှပါတယ်။ ဆေးမကုခင် အရင်ဆုံးပြုပြင်ရမှာ အနေအထိုင်ပါ။ သိပ်မဆိုးရင် အနေအထိုင်ပြောင်းလဲရုံနဲ့ သက်သာနိုင်တယ်။ အစားအသောက်နဲ့လည်း ဆိုင်တယ်။ အလုပ်ပြောင်းသင့် ပြောင်းရတယ်။ ဥပမာ မတ်တပ်အကြာကြီး ရပ်တဲ့အလုပ်မျိုးမလုပ်ရဘူး။မကြာခဏနားပေးရမယ်။ ကြွက်သားလေ့ကျင့်ခန်း ပြုလုပ်သင့်တယ်။ အဝမလွန်စေရဘူး။ အဆီမများစေရဘူး။ အိပ်တဲ့အခါ ခြေထောက်အောက်မှာ တခုခုခံပြီး မြှင့်ထားရတယ်။ သောက်ဆေးအနေနဲ့ အသုံးပြုနိုင်တာတွေ ရှိတယ်။Diosmin တို့၊Calcium dobesilateစတဲ့ ဆေးဝါးတွေ သုံးစွဲတယ်။ horse chestnut extract 250mgပါဝင်တဲ့ တိုင်းရင်းဆေးတွေလည်း သုံးလို့ရပါတယ်။ တချို့လည်း ဆေးကုဖို့မလိုအပ်ဘဲ သက်သာသွားကြတယ်။ရောဂါအနေအထားပေါ်မူတည်ပြီး ကုသဖို့နည်းအမျိုးမျိုး ရှိပါတယ်။ 

၁။compressing stocking 

အသားကပ်ခြေအိပ်တမျိုး ဖြစ်ပါတယ်။ တနေကုန် ဝတ်ဆင်သင့်တယ်။ ညအိပ်ခါနီး ချွတ်အိပ်ရတယ်။ stocking ရဲ့သဘော ရောင်တာ၊ဖောင်းတာ၊နာကျင်တာကို သက်သာစေတယ်။ ခြေထောက်တချောင်းလုံးပေါ်ကို ဖိအားသက်ရောက်စေလို့ သွေးပြန်ကြောစီးဆင်းမှု ကောင်းစေတယ်။ ဖိအားပေါ်မူတည်ပြီး သုံးမျိုးခွဲထားတယ်။နံပါတ်တစ်အမျိုးအစားက ဖိအားသိပ်မများတဲ့ support pantyhose ဆိုတာဖြစ်ပါတယ်။ ဒုတိယအမျိုးအစားက ဖိအားအသင့်အတင့်ရှိတဲ့ over-the-counter compression hoseဖြစ်ပါတယ်။ ခြေအိတ်ဝတ်ဖို့ ဆရာဝန်ညွှန်ကြားချက်မလိုအပ်ဘူး။ဆရာဝန်ညွှန်ကြားချက် လိုအပ်တာကဖိအားသက်ရောက်မှုအများဆုံးဖြစ်တဲ့ strength compression hoseဆိုတာဖြစ်ပါတယ်။ 

၂။Sclerotherapy

သေးတဲ့veinတွေအတွက် sclerosant ဓာတုဆေးတမျိုး ထိုးထည့်ပေးတယ်။ Asclera(polidocanol) ဆိုတဲ့ဆေးကို အသုံးပြုကြတယ်။ဆေးအာနိသင်က သွေးပြန်ကြောကို ရှုံသွားအောငိ ပြုလုပ်တာဖြစ်ပါတယ်။အရင်ဆုံးရောင်လာမယ်၊ပြီးရင် အမာရွတ်လို ရှုံ့တွသွားတယ်။သေးငယ်တဲ့ varicose veins နဲ့spider veinsမှာ အသုံးပြုတယ်။တကြိမ်ထဲနဲ့ မရတတ်ဘူး၊တလတကြိမ်လောက် ထပ်လုပ်ဖို့ လိုအပ်တယ်။ဆေးထိုးပြီးတိုင်း ရုန်းဆန့်နိုင်တဲ့ ပတ်တီးမျိုးနဲ့ ကျပ်စီးထားရတယ်။ဘေးထွက်ဆိုးကျိုး သွေးခြေဥတာ၊ရောင်တာ၊အရေပြားအရောင်ရင့်တာ ဖြစ်နိုင်တယ်။

၃။Microsclerotherapy

သေးငယ်တဲ့ သွေးပြန်ကြော(spider vein)တွေအတွက် အသုံးပြုပါတယ်။ ဓာတုဆေးအနည်းငယ်ကို ရောင်တဲ့သွေးပြန်ကြောထဲထိုးသွင်းတယ်။ အတွင်းမျက်နှာပြင် အမာရွတ်ထင်ပြီး ရှုံတွသွားတယ်။

၎။Laser therapy

varicose veinပေါ်ကို လေဆာရောင်ခြည်ပေးတယ်။ အပူစွမ်းအင်သုံးပြီး ကုသတဲ့အခါ ဖြစ်တဲ့သွေးကြောက သေးပြီးပျောက်သွားတယ်။သေးငယ်တဲ့သွေးပြန်ကြောထုံးခြင်းအတွက် အသုံးဝင်တယ်။ခွဲစိတ်၊ဖြတ်ထုတ်၊ဆေးထိုး လုပ်စရာမလိုအပ်ဘူး။

၅။Endovenous Ablation Therapy

ဖြစ်တဲ့veinထဲကို လေဆာ(သို့)ရေဒီယိုလှိုင်းသုံး အပူပေးပြီး ပိတ်သွားစေတယ်။ veinနဲ့နီးတဲ့နေရာတဝိုက်မှာ ဓားရာသေးသေးတခုပေးပြီး catheterပိုက်ငယ်တခုထည့်ပေးမယ်။ ပိုက်ထိပ်မှာတပ်ထားတဲ့ ပစ္စည်းကနေ အပူပေးပြီး သွေးပြန်ကြောနံရံကို ရှုံတွစေတယ်။ထုံဆေးလိုပါတယ်။ကောင်းတဲ့အချက်က ဒီနေ့လုပ်ပြီး ဒီနေ့ အိမ်ပြန်လို့ရတယ်။

၆။Endoscopic Vein Surgery

ခြေထောက်အနာဖြစ်တဲ့အခါမျိုးမှာ အသုံးပြုပါတယ်။အရင်ဆုံး ဓားရာပေးပြီး ကင်မရာတပ်ထားတဲ့ ပိုက်ကို သွေးကြောထဲထိုးထည့်ပါတယ်။ကင်မရာထိပ်မှာ ဖြစ်တဲ့နေရာကို ကုသဖို့ ခွဲစိတ်ကိရိယာငယ် တပ်ဆင်ထားတယ်။ ကျွမ်းကျင်သူ၊ပစ္စည်းလိုအပ်ပါတယ်။ခွဲစိတ်ပြီး လပိုင်းအတွင်း ပုံမှန်အလုပ်တွေ ပြန်လုပ်နိုင်တယ်။

၇။Ambulatory Phlebectomy

ရောင်နေတဲ့ သွေးပြန်ကြောတခုလုံးကို ဖြတ်ထုတ်ပစ်တယ်။ ဖြစ်တဲ့သွေးပြန်ကြောကို ခွဲစိတ်၊ကြိုးချည် စွဲထုတ်ပစ်တယ်။ခွဲစိတ်ဆရာဝန်ကသာ ပြုလုပ်ပေးတယ်။ အရင်က varicose veinကို ကုသတဲ့ သမားရိုးကျနည်းတခု ဖြစ်ပါတယ်။

၈။Vein Stripping and Ligation

-အရေပြားမှာ ဓားရာတခုပေးရတယ်။

-သွေးပြန်ကြောတွေဆက်သွယ်ထားတဲ့ shuntတွေကို ကြိုးချည်တယ်။

-ဖြစ်တဲ့ရောင်တဲ့ သွေးပြန်ကြောကို စွဲထုတ်ပစ်တယ်။

-အများစုဟာ တစ်လအတွင်း ပြန်ကောင်းကြတယ်။

-ကောင်းတာက OPD procedureအနေနဲ့ ပြုလုပ်နိုင်တယ်။

-ဘေးထွက်ဆိုးကျိုး ပိုများတယ်။

လိုက်နာ၊ဆောင်ရွက်သင့်သည့် အချက်များ

-အချိန်ကြာ မတ်တပ်ရပ်တာ၊ထိုင်တာမျိုး မလုပ်သင့်ဘူး။

-နာရီဝက် တခါ ခန္ဓာကိုယ်ကို ပြောင်းလဲပေးရမယ်။

-ခြေကလိမ်ထိုင်တာမကောင်းဘူး။

-ထိုင်နေ၊နားနေ၊အိပ်နေတဲ့အခါ ခြေထောက်ကို အထက်ဖက်မြှင့်ထားပါ။

-သွေးလျှောက်ကောင်းအောင် လေ့ကျင့်ခန်း ပုံမှန်လုပ်ပေးပါ။

-အထူးသဖြင့် ကြွက်သားအားကောင်းစေမယ့် လေ့ကျင့်ခန်းမျိုး ဖြစ်တယ်။

-အရင်းပိုင်းကျတဲ့နေရာတွေ တင်းကျပ်တဲ့အဝတ်အစားတွေ မဝတ်သင့်ဘူး။

-အရင်းကိုဖိရင် အောက်ပိုင်းမှာသွေးစုနေလိမ့်မယ်။

-ဒေါက်မြင့်ဖိနပ် မဝတ်ဆင်သင့်ဘူး၊ခြေသလုံးနေရာ ပိုဆိုးလာမယ်။

-သွေးပြန်ကြောထုံးတဲ့အခါ အနေအထိုင်ပြုပြင်ရင် မကြာခင်သက်သာလာနိုင်ပါတယ်။

ဒေါက်တာ အေးမင်းထူး

Health Care Journal(25.4.14)